متفرقات

اللبنانيون ونورما... من ازمة الى نكات!

ما شهده لبنان من ازمات منذ يوم الاحد حتى اليوم في ظل استمرار العاصفة، جعل بعض اللبنانيين يمازحون "نورما" والبعض الآخر يستخدمونها لانتقاد الطاقم السياسي ووضع البلاد وآخرين اتخذوا في كتاباتهم مسارا انسانيا وتحية للقوى الامنية والجيش والدفاع المدني والصليب الاحمر وكل من سهر ويسهر على راحتهم وسلامتهم. ومن التغريدات التي وردت عبر موقع تويتر؛ الفئة الاولى من اللبنانيين: -ما تتعذبوا اليوم تروحوا تشتروا سَمَك السَمَك رح يجي لعندكم -واخيراً صار بيتنا مطل على البحر، الحمد لله يا رب ما أكرمك... -في لبناني ما نزل ستوري نكت عن العاصفة سحبو منو الجنسية -راغب علامة عم بفكر يعمل غنية جديدة:"طاف البلد!" -بهيك حالة ما إلنا غير انو نصلي نحنا وضاهرين من بيوتنا بس تنرجع سالمين -انتحار خزانة من شرفة منزل مستخدميها ولم تعرف الاسباب نفس الشي بس انتو بتحبو الطليان -لبنانفرط من العاصفة كيف اذا بيجي عليه شي هزة قوية شوي بيختفي ؟؟ -مسابح لبنان ترحب بكم في جميع الشوارع، ابتسم انت لبناني... -نعتذر عن إستقبال الزوار في منزلنا هاليومين لأن ناشرين الغسيل عالكنبايات -يللي طاير من عندو غطا خزان مكتوب عليه: "توفيق + حنان = حب للأبد"صار عندي هون -يلي مضيعة رموش واضافرواكستنشنتجي بسرعة هياهون عندي ملزقين عقزاز الباب جابتن نورمالعن -دايماً الحق على.... النسوان نورما -اسرائيل اصيبت بالصدمة لأنهو لا يوجد بنية تحتية في لبنان لتقصفها نورما -ينابيع من المجاري ! ما بدنا يحسدونا على هل الظاهره النادره -نورما من نافذة العصفور لعندي عم بقول لو مش بالقفص كنت متت بهالطقس -ما حدا مبسوط إلّا تلاميذ المدارس –ميرسي موسيو مروان الفئة الثانية من اللبنانيين: -شرّفت نورما والحكومة بعد ما شرّفت -البلد مش بحاجة لحكومة البلد بحاجة لـ سنكري -ما تصير العاصفة نورما بدها حقيبة وزارية كمان -طمنوني عن نوابنا دخيلكم قلبي محترق عليهم بهالطقس -من انجازات بلدية المريجة وتفاديا لوقوع السيارات والمشاة في الصرف الصحي بادرت البلدية لسد الحفرة بكرسي بلاستيكي ودولاب سيارة مستعمل حرصا على سلامة المواطنين مشكورة على المبادرة - ان شاء الله البحر يبلع كل المخالفات البحرية (المرخصة ويللي عم تترخص)ويرجّع كل البلاستيك المكبوب فيه -هلق الأضرار وقعت فينا نعرف مين رح ياخد مناقصة تصليح الأضرار ؟؟؟؟؟؟ -لو نحنا بالخليج مثلا كنّا قلنا البلد غير مجهّز للعواصف والأمطار والثلوج... عقبال عاصفة الكرامة عند الشعب اللبناني... يا ريت الآنسة نورما تاخد معا كم سياسي من حبايب القلب - يوم سباحة عادي ولا ما في مدارس وأشغال؟؟؟ -عاجل: زوج العاصفة نورما قرر ان يطلقها لانو سيرتها صارت على كل لسان الفئة الثالثة من اللبنانيين: -الله يحمي الجيش -انتو بردانين تيبقى الكل دفيان، تحية من القلب -تحيه لكل جندي ورتيب بالجيش اللبناني يلي واقفين تحت الشتى وع الحواجز لحفظ امننا جميعا... -تحية لعناصر قوى الامن التي تعمل على انقاذ المواطنين من الثلوج

في ظاهرة غريبة...النهر الكبير يتمدد ويهدد الأهالي

للمرة الاولى تصل فيها مياه النهر الكبير الى المنازل السكانية البعيدة نسبيا عن مجرى النهر في بلدة تلبيرة، بعدما اغرقت السيول الاراضي الزراعية وتوسعت رقعة المياه لتصل الى العديد من المنازل السكانية في ظاهرة غريبة عجيبة، لم يشهد لها مثيل من قبل اهالي البلدة . رئيس بلدية تلبيرة عبد الحميد سقر اطلق قبل قليل نداء استغاثة، دعا فيه وسائل الاعلام و الأجهزة الامنية الى ارسال عناصر وفرق لإنقاذ عدد العائلات المحاصرة بالمياه في البيوت السكانية بإحدى الحواري القريبة الى النهر ، املا الجهات المعنية في الدولة الاسراع وتدارك الامور قبل وقوع كارثة كبرى في سهل عكار ..بسبب الفيضانات والسيول

loading