الطبش لعون: لو كنتْ بيّي، كنتْ ترجّيتَكْ ترتاح

  • محليات
الطبش لعون: لو كنتْ بيّي، كنتْ ترجّيتَكْ ترتاح

تتواصل ردود الفعل على مواقف رئيس الجمهورية ميشال عون وإطلالته غير الموفقة، ومن بين المواقف تغريدة للنائبة في كتلة المستقبل رولا الطبش.

غرّدت النائبة رولا الطبش عبر تويتر معلّقة على إطلالة رئيس الجمهورية ميشال عون غير الموفقة فكتبت: "لو كنتْ بيّي، كنتْ ترجّيتَكْ ترتاح.. كرمالَكْ، وكرمال اللي بحبّوك"!

النائب سليم عون رد على النائبة الطبش فكتب: "يا رولا  مش لابقلك هالحكي، قولي ليللي كاتبلك التغريدة، مش ممكن فخامة الرئيس يكون عندو أولاد من هالبضاعة البلا أخلاق والبلا أصل".

وأضاف: "يا ريتكن ترجّيتوه يرتاح قبل ما خلّص يللي بتحبوه من جلّاديه، كنا إرتحنا منكن يا بلا وفاء".

تغريدة عون استدعت ردًا مقابلًا من الطبش التي قالت في تغريدة لها: "يا سليم، قول لَ يللي قلّك ترد عليي، انو مضيّع بالعنوان، لأنو نحنا منوزّع اخلاق ووفا، ولو ما كنّا هيك، ما كنتوا انقرصتوا من كلامي.

وَيَا ريت بدل هالوقت اللي صرفتو للرد، تروح تشوف شو بدك تعمل، لانو اللي انتو بتحبوه، آخد البلد عا جهنم".

النائب جورج عطالله انضم الى زميله سليم عون فعلق على كلام الطبش قائلا: "كنت مفتكر إنو شخصية لولو وشخصية طبُّوش هيي مُجرد شخصيات شفناها نحنا وزغار بس وقت شفت تعليق نايبة المستقبل رولا على كلام فخامة الرئيس إكتشفت إنو شخصية طبُّوش حقيقية واكتشفت انو الطبُّوش طبُّوش لو شو ما حكي".

المصدر: Kataeb.org