بعد قرابة الشهرين الوجع نفسه...الله لا يوفّق يا عروس يلي خلاّني احكي معك بالصورة!

  • مجتمع
بعد قرابة الشهرين الوجع نفسه...الله لا يوفّق يا عروس يلي خلاّني احكي معك بالصورة!

مع مرور قرابة الشهرين على استشهاد المسعفة سحر فارس في انفجار مرفأ بيروت، كتب اليوم خطيبها جيلبير قرعان عبر حسابه الشخصي على موقع فيسبوك، ما يلي:

مع مرور قرابة الشهرين على استشهاد المسعفة سحر فارس في انفجار مرفأ بيروت، كتب اليوم خطيبها جيلبير قرعان عبر حسابه الشخصي على موقع فيسبوك، ما يلي: 

"عروستي الحلوة البطلة ملاكي الحارس
عم تمرق هالايام وكل يوم ابشع من يوم عغيابك، كلشي بشع بلاكي ،كلشي ما الو اي طعمة عغيابك ، بطلع بالسيارة بلاقي حالي وحدي والكرسي حدّي فاضية بقول وينك عروس، بفتح باب البيت وبفوت بنطرك تجي وتغمريني عالباب، بقعد عم باكل بقول وينك ما كنّا ناكل الا سوى ،كل فشخة عم بعملها بقول وينك عروس وينك ،كنتي متل خيالي بكل فشخة تكوني معي وحدي ،وينك لان كلشي تافه وبشع وما الو طعمة بلاكي، وين ضحكتك يلي معباية البيوت كلها ،وين صوتك وهضامتك بالبيت 
انا واثق انك مبسوطة ومرتاحة ، لان السما اجمل بكتير من هون ،انت ملاك ،انت اجمل ملاك بالسما،انت بين احضان العدرا 
الله لا يوفّق يا عروس يلي خلاّني احكي معك بالصورة بس، الله لا يوفّق يلي حرمني من عيونك وصوتك وحنيتك، الله لا يوفّق يلي حرقلي قلبي وكسرني ،انشالله بيوجع متل وجعي يلي ما خلاّني شوفك بالفستان الابيض 
انت يا سحورة عيوني يلي بشوف فيهن
انت يا بطلة قلبي يلي اخدتي معك 
انت يا سوسو كنتي السعادة بحياتي 
انا مشتاق كتير يا عيوني للساعة يلي بتسمح ارادة ربنا انو نلتقى ونكفي المشوار
بحبك كتير وكل يوم عم حبك اكتر واكتر واكتر ورح ضل حبك حتى نرجع نلتقى
اشتقتلك كتير يا روح روحي انت اشتقتلك كتير
عم صليلك كتير كل دقيقة انت ورفقاتك الابطال صلولنا انتو من فوق
مع آلامك يا يسوع 
المسيح قام
لتكن مشيئتك يا رب".

المصدر: Kataeb.org