كرمال اللي بتحبّووُن...خليكن بالبيت!

  • محليات
كرمال اللي بتحبّووُن...خليكن بالبيت!

دعوة الى البقاء في المنازل لمواجهة كورونا واعلان حال الطوارئ صدرت من شاشات التلفزة اللبنانية.

أعلنت قناة الـ"MTV" حالة الطوارئ في لبنان، وطلبت من المواطنين عدم مغادرة منازلهم إلّا للضرورة القصوى.

 وأوردت القناة في خبر عاجل: "الـMTV تناشد المواطنين التنبّه إلى سلامتهم بعد تقاعس الدولة عن القيام بواجباتها".

كذلك أطلقت قناة "الجديد" هاشتاغ #خليك_بالبيت في إطار الحملة للوقاية من فيروس كورونا، كما أوردت في خبر عاجل التالي: "حملة خليك بالبيت تنطلق من الجديد والـLBCI ألزموا منازلكم حرصاً على من تحبون".

وقالت:"مضطر تنزل عشغلك رغم الإجراءات الوقائية بسبب كورونا؟ شاركنا على هاشتاغ #خليك_بالبيت صور وفيديو من الإجراءات الوقائية يلي عم تاخدها بالشغل وبالمكتب وبالشارع لتتفادى العدوى بمرض كورونا!".

بدورها، دعوة الى "خليك بالبيت" من الـLBCI في مقدّمة نشرتها المسائية العنيفة، جاء فيها:"

في 20-2-2020، سجل لبنان اول حالة اصابة بفيروس الكورونا.

بعد عشرين يوما، اي في 11-3-2020، ارتفع عدد المصابين ليبلغ 66  شخصا، بالتزامن مع اعلان مدير مستشفى رفيق الحريري ان معدل الاصابة يزداد بنسبة 30  في المئة يوميا.

هذه النسبة تعني ان عدد الاصابات سيبلغ السبت المقبل 132 اصابة، والثلثاء 264 اصابة، اما الجمعة المقبل، في 20-3-2020 فسيكون 528 اصابة.

هذه الارقام مخيفة، لكن الذعر الحقيقي لا يرتبط بالارقام، ولا بعدد الوفيات، انما بقدرة لبنان على مواكبة الوباء طبيا.

وامام هذا الوباء، قدرة مستشفيات لبنان الحكومية ضئيلة وكذلك مستشفياتُه الخاصة، عدد الاسرَّة محدود، وكذلك عدد المستلزمات الطبية اللازمة لانقاذ حياة من وضعَهم كورونا على ابواب الموت.

و(لك) حتى لو اراد لبنان تفعيل استعداداته الطبية، فهو لا يملك مالا يسمح له بذلك، وبالتأكيد لا يملك القدرات التي سمحت للصين، مركزِ انطلاق الفيروس، ببناء مستشفيات ميدانية مخصصة لمحاربة المرض، بأيام لا تتعدى العشرة.

الوقت ينفذ امامنا جميعا، وساعة المواجهة دقت، ولكي نقول الامور كما هي، لا امكانية  لدينا لاستيعاب الاعداد متى كبرت، وهي حتما ستكبر، فـ"خليكن بالبيت"، لان هذه الطريقة هي الحلُ الوحيد المتبقي لكي نتمكن من تخفيض سرعة انتشار المرض.

"خليكن بالبيت" وساعدوا بتخفيف سرعة انتشار المرض.

خليكن بالبيت، يعني خذوا اقصى درجات الوقاية في البيت, يعني ما تختلطوا مع الناس والاقارب والجيران والاحباء، نسوا الترويقة مع العيلة، والغذا مع الاصحاب  والعشا مع مين ما بدكن، انسوا الحفلات، وانسوا الواجبات، انسوا الجامع والكنيسة، دعوا وصلوا من البيت، انسوا الـ 3 باوسات وحط كفك،  و"اهلا حبيبي"، وتفضلوا يا جيران، انسوا كل تقاليدنا وعادتنا، وتذكروا شغلة واحدة .

تذكروا يللي بتحبوون، تذكروا تيتا وجدو، تذكروا كل المرضى يللي بتعرفون، ويللي موجودين بكل بيوتنا.

"خليكن بالبيت" وتذكروا انو اذا ما عملتو كل هالامور، رح نوصل على مطرح نضطر نروح عالمستشفى، وهونيك ما يستقبلونا لانو ما في مطرح، او تخيل للحظة انو المستشفى يخيرك بين انقاذ حياة بيك او امك يللي اعمارن كبيرة، وحياة يللي بتحبون واعمارهن صغيرة.

فهَموا، الوضع خطير، اكبر دول العالم ما عم تقدر تتصدالو، "خليكن بالبيت".

المصدر: Kataeb.org