أوضح الفنان جو رعد أن سبب وفاة مصفّف الشعر الشهير طوني صوايا يعود إلى إصابته بسكتة قلبية، بعد معاناته من مرض السرطان.

وأطلّ رعد في مقطع فيديو عبر منصة إكس وهو يترحّم على صوايا، مؤكدًا أنه لن ينسَى فضله عليه، لأنه ساعده في بداياته عندما أراد فتح صالونه الخاص، حيث قدّم مصفّف الشعر الراحل مبلغًا ماليًّا له ووقف معه وقفة رجل وفق تعبيره.

وكانت الفنانة نانسي عجرم قد نعت الراحل بكلمات حزينة ومؤثرة وكتبت عبر منصة إكس: "متل النسمة كان حضورك بيناتنا ومتل النسمة تركت هالدني وفلّيت. الله يرحمك يا طوني. كتير زعلانة…".

ونشرت شمس الغنية اللبنانية نجوى كرم صورة جمعتها بالراحل على حسابها عبر انستغرام، وأرفقتها بتعليق مؤثر قالت فيه: "بكرت يا طوني.. يا ضيعان الاوادم.. يا أحلى انسان مرق بحياتي، رح نشتاق لعزّة نفسك ومحبتك."

واضافت نجوى: "انت من القلال يللي بيبصموا بقلوبنا، انشالله تكون نفسك بالسما".

أما اصالة، فكتبت معلقة على صورة جمعتهما، نشرتها فور سماعها الخبر الحزين: " ما كان شخص بشتغل معه وعادي .. كان قريب عليي وكأنّه من أهلي حنون راقي شبعان، كرامته ما شفت إلها مثيل، يا الله ماعم صدق إنه راح ونحنا كان المفروض سوا مسافرين شي ما عم بقدر صدقه. أرجوكم إدعوا له الله يرحمك ياصديق وحبيب وقريب وأخ وإنسان شو صعب لاقي متلك الله يرحمك ياحبيبي يا طوني يا غالي ويصبرنا يارب يارب".

وكتبت الفنانة مايا دياب: "ما كنت عارفة أنه هيدي آخر صورة لالنا، كنت مبسوط من قلبك وأنا كنت خايفة عليك، قلتلك كثير ضعفان يا طوني انتبه ع حالك وانت ما انتبهت وفليت".

وتابعت: "يا اطيب قلب وأكرم نفس يا ادفى إنسان يا صادق يا محب يا قلبي انت"، مضيفة "انت شقفة من عيلتي ومن رحلتي انت tonton اللي ما بتعوض الله معك يا قلبي".

النجمة إليسا كتبت بدورها: "زعلت من كل قلبي…. شو كنت محب ومحترم .الله يرحمك يا طوني و يصبر عيلتك".