حمل مقدّم البرامج هشام حداد بعنف على المخرج "نضال بكاسيني" من دون أن يسمّيه لدحض ادّعاءات الأخير بأنّ فكرة برنامج كارلا حداد "ست وستات" الذي يعرض على "lbci" مسروقة منه، واصفاً إياه بالفاشل.

حداد ردّ في رسالة مطوّلة على كل ما جاء على لسان بكاسيني عبر برنامج "منا وجر" في ما يتعلق ببرنامجه الذي يحمل اسم "ست الستات" بعدما عرض حلقة تجريبية لصالح قناة الجديد في حسابه عبر "إنستغرام" من تقديم الاعلامية رابعة الزيّات.

ولكن بدل أن تشتعل الحرب الكلامية بين حداد وبكاسيني، اشتعلت الجبهة بين حداد ومريم البسام بعدما ردّت عليه قائلة: "شو الخميس تلة ال تلات تمانات؟ منصة؟ قناص بجبهة حرب؟ الخميس برنامج ناجح جداً ما يتحول لمنصات كرمال حضرتك صرت منتج برنامج آخر، بدك تربح ما تستقوي ع غيرك وتهدد بصواريخ هوائية، قد ما كنت ناجح قد ما منحترمك أكتر إذا اعترفت بحقوق الغير. انو شو بتهددنا صرت بالخميس؟ هلا بالخميس".

حداد ردّ بعنف على البسام: "مين قرّب صوبك؟ أنا الخميس بعطي موعد للناس اللي بضحّكن... دفاعي قلتو بأول جزء من التغريدة، وعفكرة انا مش منتج ولا برنامج... بموضوع الاستقواء، فأنا حر شو بقول ببرنامجي متل ما انت حرة بمقدماتك وخليك برا الموضوع لانو كل بلاغتك ما بتشيلك من جورة الوحل اللي منوقع فيا كلنا".

وبعد ان استمرّت ساعات، انتهت الحرب التويترية بتغريدة أخيرة من البسام إلى حداد: "انو كل ما شخصية نجحت وصارت فذة بدا تستقوي عالبشرية ليه خيي؟ افش ادارة تقلك خلصنا بقى؟ ناجح عظمتك وغاية في الهضامة والاول ع دفعتك، نهار الخميس وبكل يوم بتقرروا بتكون الاول وع راسنا ورح نضحك ونتسلى، بس هيدا الشي ما بيخليك رامبو. اتتسلاش فينا ولا على حقوق الناس"، ليختم حداد بدوره تغريدته: "عمين استقويت، صرلنا اسبوع ساكتين وانتو نازلين شير لإعلان تضليلي مركب... فكرتونا لقمة سائغة وصار بدكن تطلعوا تاكلولنا راسنا... هلق بالتغريدة في حقايق تجاهلتيا وركزتي عالنهاية... عظيم المعادلة واضحة، بتطلعو بالعالي منرد بنفس المستوى مين ما كنتو تكونوا".