بكلمات مؤثرة، استذكرت الاعلامية رنا ريشا عيد حماها الراحل الياس عيد بسبب مضاعفات كورونا وكتبت عبر صفحتها على فيسبوك:

"عمّو إيلي،

٣ مشاهد ما عم بيروحوا من بالي من أوّل ما عرفت إنك بالعناية الفايقة...

مشهدك إنت وعم تبكي لأنّك "شعرت بروح امّي"  بحسب ما قلتلّي أوّل ما شفتني بالفستان الأبيض لمّا جيتوا تاخدوني على إكليل عرسنا أنا وجورج...

مشهدك لمّا طلبت من مساعدك يساوي الأرض حول المسبح ببيت قبرص أوّل ما خبّروك إنك رح تصير جدّو لإيليني، لأنّك خفت عالحفيدة اللي رح تجي تما تزحط هي وعم تلعب حدّ المسبح لمّا تزورك بالصيفيّة بقبرص.

ومشهدك لمّا سكنت عندكن شهرين بعد ولادتي، كنت تجي مستعجل من شغلك تتلحّق ايليني قبل ما تنام، ويلّي ما رح انساه بحياتي كلّ مرّة كنت تقلّي فيها: "عمّو حبيبي جربي نامي ارتاحي، واعطيني إيليني أنا بجرّب نيّمها".

هيك عرفتك عمّو إيلي، وكنت استَحلي مشهدك كل ما تحمل ايليني وتغنّيلها كلمات مألفها خصّيصاً لإلها. بحبك كتير ورح اشتقلك وبوعدك إنو إيليني رح تعرفك منيح وتخبّر عن papou و روحه الحلوة وقلبو الحنون."

https://www.facebook.com/rana.richa.9/posts/10164457210235062