بعد أن ودّع أحبابه لاسيما أهله برسالة مؤثرة وأنهى حياته في برج حمود، زفّ كارلوس كيروز عند الواحدة من بعد ظهر اليوم في كنيسة سيدة بشوات العجائبية الى مثواه الأخير.

وانتشرت الرسالة التي كتبها على مواقع التواصل وتملؤها المشاعر والأحاسيس وبها عبّر عن حبّه لوالديه وشقيقه وشقيقته قبل الرحيل.

"انا انتحرت لأني حابب روح لعند الله بكير" قال كارلوس مضيفا:"سامحوني أنا بحبكن كتير انتو احلى اهل بالدني وما في شي بيقدر يعوض لي عملتو معي من اهتمام ومحبة بس انا انتحرت لأن حابب روح لعند الله بكير ما تزعلو انا هيك مبسوط كتير واسعد انسان انتو بدي ياكن تعيشو احلى حياة وتكونو مبسوطين الحياة حلوة بس انا ما حبيت هالحياة وحاسس حالي غريب عن هالدني وما بعرف بعد الموت وين رح صير بس انا رح ضل معكن وح نرجع نلتقى بمكان كلو سعادة اجمل من هالدني وخليكن مبسوطين بحبكن كتير قد الدني وبدي كل حياتكن تكونو مبسوطين انا من انا وصغير حاسس حالي غريب عن البشر وعن هالدني كلا وانا مش مبسوط وما بحب الحياة ما تزعلو مني ما كان شي يخليني حس حالي مرتاح او مبسوط ما لقيت خيار غير الموت لأن الموت راحة الي انا انسان ما بحب الحياة ومش قادر كفي صرلي فترة كبيرة عم اتعذب ومخبى بقلبي بس انا حابب موت وانتقل من هالحياة سامحوني كتير بعرف رح اترك حزن كبير من بعدي بس انا حاسس انو مكاني مش هون بهالحياة".

وجاء في ختام الرسالة: "ما تزعلو صدقوني انا بالموت مبسوط وبدي ياكن تكونو مبسوطين وبدي ياكن تعيشو اجمل حياة كرمالي حتى انا كون مبسوط ومرتاح، خليكن سوى مع بعض وروحو كل يوم كزدرو وضهرو ومبسطو وعيشو الحياة حلوة وانا رح كون مبسوط معكن ورح ضل معكن واذا التقيت بالمسيح رح نكون انا والمسيح معكن وسهرانين عليكن".