انتشرت على مواقع التواصل الاجتماعي صورة طفل تعرّض للضرب المبرح في احد الحضانات على يد أحد الأطفال وذلك بحسب ما كشفت والدته.
وفي التفاصيل، بحسب ما نشرت والدته السيدة غيدا الدايخ، فقد تعرّض الطفل للضرب لما لا يقل عن ٢٠ دقيقة دون انتباه من المسؤولين والمعلمات .
وكتبت في منشور أرفقته بصورة صغيرها عبر حسابها على مواقع التواصل الاجتماعي: "لح خبركن قصتي..قصة ام قررت تشتغل لتفتش عمستقبل ابنها ... قصة أم أمنت ابنها و روحها و عمرها بالحضانة ليكونوا بيتوا التاني. بس اللي صار انه ابني كان ضحية مستضعفة للإهمال و قلة الانتباه. ابني اتعرض للضرب المبرح و القاسي جدا جدا على ايد أحد الأطفال معه بالصف اللي استفرد فيه. و حسب تقرير المستشفى ابني اتعرض للضرب لما لا يقل عن ٢٠ دقيقة و المعلمات و المسؤولين تاركينه عم يبكي و يتوجع كل هالوقت و المبررات ولا أسخف ولا اقبح.وين الاهتمام وين الانتباه وين الكاميرات وين وين وين منضل نسأل و كله بطل يفيد انا كيف بدي شيل هالذكرى البشعة من راسي و راس ابنه و راس بيو..السؤال كيف بدي كفي حياتي المهنية و أمن ابني و يكون بالي مرتاح ؟ ما بعرف شي...الله يحميلي ياك يا عمري و لا يسامح كل حدن خلاك تعيش هالوجع و هالذكرى البشعة..الله لطف"