كتب الإعلامي بيار ربّاط رسالة مطوّلة لشقيقته بيا التي توفيت بعد تعرّضها لذبحة قلبية مفاجئة في دبي، وقال عبر حسابه الخاص بموقع انستغرام: "اليوم خلصت قصتي لأني بعرف يا بيا إنو من بعدك حياتي ما رح تكون هي ذاتها، لأنك أخدتي معك أحلى شي فيّي، وأحلى شي فيّي كان إنتِ".

وأضاف: "بيا قلبك الحنون الطيّب خانك، وأخدك من بيناتنا قلبك المليان حنيّة خاننا كمان، وخان العيلة والأصحاب، بس أنا بوعدك إنو طول ما قلبي عم يدق ما رح يخون Mila وMatt، ورح خبّيهم جوّا عيوني".

وتابع: "كل عمرن الناس يقولوا إني شاب وحيد لأهله، وأنا بوجودك ما كنت حسّ بهيدا الشي ولا لحظة... بس اليوم، صرت أعرف شو يعني وحيد بيا، يا ملاكي... أنا صرت وحيد، ووحيد رح ضلّ لحد ما نهار نلتقى سوا عن جديد ونبلش قصة تانية ما بتخلص عند ربنا بالسما. قصة جديدة منكملها مع البابا يلي صرلك مشتاقتيلو 10 سنين".

ووصّى ربّاط شقيقته: "سلمي عالبابا، وأنا بعرف إنو هوي رح ينتبهلك وإنت رح تنتبهي عليه، وأكيد بس تلتقوا رح تكونو اتنيناتكن مبسوطين"، وختم: "إلا ما يجي يوم ونلتقي، ونكمّل كلنا مع بعض الحياة الحلوة يلي كنا عايشينها هون".

 

 

 

View this post on Instagram

A post shared by Pierre Rabbat | بيار رباط (@pierrerabbat) on Jan 12, 2020 at 11:08pm PST