من أصعب اللحظات أن ينعى الأب طفلته….. وهكذا نعى الوالد المفجوع زين نصر الدين طفلته "يسمى" التي توفيت بعد صراع مع المرض في مدينة ليون الفرنسية حيث ستوارى في الثرى غدا الأح على ان تقبل التعازي في بزيون في قضاء جبيل.

بمزيد من الحزن والتسليم لقضاء الله أنعي فلذة كبدي وقرة عيني يسمى.

يسما ما ماتت يسما نامت… راحت محل تنام في كتير حلو… احلى من هون… راحت تسلم عكل لسبقوها… راحت اول شي تسلم عستا هيام.. يسما نامت احلى نومه…

يسما قطعه من قلبي… يسما راحت و اخدتني معا

ما حدا يقول يسما ماتت يسما نامت مزبوط؟؟

يسما كانت قويه وحاربت ما ملت ضلت بالمعركه

بس انا زعلان لانو ما قدرت اربح المعركه معا

يسما كانت ترسمني و تقلي هيدا انت يا خالو بلال

شوفو يسما شو حلوه شفتوها شوفو يسما شو مهضومه طلعوا منيح بهالملاك لي طار لفوق و علا.. شفتو ليش بحبا ليسما و بعرف انو كلكن حبيتوها مندون ما تشوفوها.. هي كانت تكتبلكن و تقلكن دعولي و صلولي هلء هي عم تدعيلنا و تصليلنا من فوق فوق فوق من بعيد ناطرتنا

بحبك يسما والله العظيم بحبك".