في تصريح عنيف رأى  نقيب المهن الموسيقية في مصر الفنان ​هاني شاكر​ ان أعمال الفنان ​محمد رمضان​ ليست فنًا، منتقدا  إطلالته العارية على المسرح في حفلاته.

وقال شاكر في  برنامج "شربل يستقبل" على قناة "CNN عربية": "الحفلات عندنا في مصر لينا تقاليد وعادات غير أوروبا وأميركا، واللي ينفع هناك ممكن مينفعش هنا، ومحمد رمضان قد يكون حب يعمل شيء مختلف وجديد، وهو مش مطرب أساسا، وعايز يعمل شو وشكل مختلف، لكن قد يكون هذا الشكل المختلف غير مقبول في مصر".

وأضاف شاكر: "أنا بشوف إنه حتة إني أنا أطلع نصي الفوقاني عريان على المسرح.. دي تقريبًا إحنا أول مرة نشوفها في مصر من محمد رمضان، وبرضو اللي بيطلعوا ومش بيعتمدوا على صوتهم وأغانيهم، ولكن بيعتمدوا على رقصهم وملابسهم دي فترة ومش بتستمر، وأنا ضد ده بصراحة.

وفي رد  غير مباشر على كلام  هاني شاكر نشر محمد صورة له وقال: "المواجهة من صفات الرجال".